غير حياتك فى 5 أيام فقط

خلاص ياجماعة الأيام العشر بتجرى وقربت تخلص ..بغض النظر عن اللى انت عملته الايام اللى فاتت
فلسه الفرصة قدامك ويمكن ربنا خلاّك تقرأ الكلام ده دلوقتى عشان ربنا بيحبك
وعاوزك تشد حيلك شوية ..


يقول الله عز وجل فى سورة الفجر


( والفجر وليال عشر) قيل انها أول عشرة أيام من ذى الحجة
الأيام الوحيدة التى اقسم الله عز وجل بها فى القرآن ..فلم يقسم بأيام رمضان مثلا
إذن هذه أعظم أيام عند الله


رجل أعرابى عندما سمع قول الله عز وجل وفى
السمـاء رزقكـم وما توعدون فـورب السماء والارض انة لحق مثل ما أنكم
تنطقـون ...قال : فصاح الأعـرابي وقال: يا سبحان الله ! من الذي أغضب
الجليل حتى حلف ! ألم يصدقــوه في قوله حتى ألجئوه إلى اليمين ؟ فقالها
ثلاثا وخرجت بها نفسه !!


يالله ... انت متخيل انك دلوقتى بتعيش اعظم ايام فى السنة
النبى صلى الله عليه وسلم يقول (
إن لربكم في أيام دهركم نفحات، فتعرضوا لها لعل أحدكم أن يصيبه منها نفحة لا يشقى بعدها أبداً)
أخدت بالك من كلمة ( لا يشقى بعدها أبدا )
يعنى حياتك قبل الايام دى مش زى حياتك بعدها
....


الحج ... نقلة كبيرة جدا فى حياة من يقوم به لحديث النبى صلى الله عليه وسلم
( من حج فلم يرفث ولم يفسق رجع من ذنوبه كيوم ولدته أمه)
يعنى أبيض
وانا شخصيا اعرف ناس تغيرت حياتهم بعد ما عادواا من الحج
وكذلك العشر الاوائل ياشباب
وبالأخص يوم عرفة
ما تيجواا ياشباب نفتح صفحة بيضاء فى حياتنا
والله فرصة كبيرة


رب عمل صغير عظمته النية


كل لحظة بتمر عليك من غير نيّة صالحة ..صدقنى والله العظيم خسارة كبيرة جدا
سمعت قصة البغى اللى دخلت الجنة عشان سقت كلب ...
سمعت قصة الراجل اللى أزال غصن شوك من الطريق فكان سبب دخوله الجنة


ابن القيم بيقو ل ( ان الاعمال لاتتفاضل بصورها ولا عددها وانما تتفاضل بتفاضل بتفاضل مافى القلوب )


قف مع نفسك قبل اى عمل ...وكلم نفسك وقل لها : انا بعمل العمل ده ليه ؟ عشان مين ؟


وياسلام لو تعمل عمل لا يطلع عليه أحد إلا الله عز وجل
تبقى كده بتدرب نفسك على الاخلاص


ابو ايوب أحد الصالحين كان يجلس فى الدرس يعلم طلابه فتأخذه الخشية فيبكى فيغطى رأسه بعمامته
ويقول : لا حول ولا قوة الا بالله ..انه الزكام ..انه الزكام ..نسأل الله الشفاء منه
حتى لايطلع أحد على عمله إلا الله


واعلم ان نظر الله إليك أسبق من نظر العباد إليك وأنه مطلع على قلبك
( يعلم خائنة الأعين وما تخفى الصدور )


أهم يوم فى السنة


عن عائشة رضي الله عنها أن رسول الله صلى الله عليه وسلم قال ما من يوم أكثر من أن يعتق الله فيه عبيدا من النار من يوم عرفة ، وإنه ليدنو يتجلى ، ثم يباهي بهم الملائكة فيقول : ما أراد هؤلاء؟) رواه مسلم والنسائي ، وابن ماجة وزاد رزين في جامعه فيه : (اشهدوا ملائكتي أني قد غفرت لهم )


وعن عبد العزيز بن قيس العبدي قال : سمعت ابن عباس يقول : (كان فلان .. ردف رسول الله صلى الله عليه وسلم فجعل الفتى يلاحظ النساء وينظر إليهن فقال له رسول الله صلى الله عليه وسلم : ابن أخي ، إن هذا يوم من ملك فيه سمعه وبصره ولسانه غفر له )رواه أحمد بإسناد صحيح والطبراني
يا سلام على الحديث الجميل ... تعرف تخلى الكام يوم دول تدريب عملى
عهد بينك وبين الله لا يطلع عليه أحد ..


يارب أعاهدك ألأ أرفع بصرى الى ما لا تحب
يارب أعاهدك ألا تسمع أذنى إلا مايرضيك
يارب أعاهدك ألا ينطق لسانى إلا بما تحب
هركز جدااا ...وهاخد بالى ...


حج وعمرة ببلاش


واحد حكى لى أن له صديق ببلدة صغيرة وكان يسكن بمكان ليس به مسجد فى اطراف البلدة
فكلم بعض الفلاحين فى المكان وبدؤا يصلون ثم ذكر لهم حديث النبى صلى الله عليه وسلم (من صلى الفجر في جماعة، ثم قعد يذكر الله تعالى حتى تطلع الشمس، ثم صلى ركعتين، كانت له كأجر حجة وعمرة تامة تامة تامة .)
الناس فرحواا جداا بالحديث ده وبنواا مسجد فى المكان ده بفضل الحديث ده
على الاقل اعملها ولو يوم واحد
طب والبنات يعملواا ايه ؟؟
يقنعواا ااخواتهم ال male انهم يعملواا الموضوع ده
ويبقى كده هما خدواا الثواب كمان
وممكن يقرؤا فى البيت طبعا



أحلامك حقائق


يوم عرفة محتاج استعداد غير عادى وده لأنه يوم غير عادى ... اعمل قائمة دعوات ورتبها حسب اكتر حاجة انت محتاجها ..مثلا
يارب انا عاوز اجيب امتياز السنة دى ...يستجيب ان شاء الله
يارب ارزقنى حبك وحب من يحبك ... يستجيب ان شاء الله
يارب أعنى ..نفسى احفظ القرآن كله .... يستجيب ان شاء الله
يارب المشكلة الفلانية مش عارف اعمل فيها ايه ... يستجيب ان شاء الله
يارب ثبتنى على الطاعة ... يستجيب ان شاء الله
يارب كذا
يارب كذا
يارب كذا
بس طبعا لازم تاخد بالاسباب كويس وتكون واثق من إجابة الدعاء
عاوز اطلب منك طلب أخير فى النقطة دى ....
الحجاج بيظلواا يدعواا ويهتفواا بلبيك اللهم لبيك لحد ما يتعبواا وصوتهم يروح
بالله عليه ادعى انت كمان كده ..ادعى لحد ما صوتك يروح

و ياجماعة اللى جهز نفسه وعمل قائمة بالدعوات مش زى اللى معملش ..فرق كبير جدا

لما دخل المسلمون مكة وكانواا على شوق وموعد مع المسجد الحراام
ظل المسلمون يعبدون الله فى الحرم ويبكون طوال الليل
فلما رأت هند بنت عتبة ذلك تأثرت وقالت : ما رأيت الله عٌبد حق عبادته كما عُبد الليلة

وأسلمت ..



خليك ناصح وخد ثواب غيرك


ابعت رسايل موبايل لمن تعرف شجعهم على العبادة والعمل الصالح
استغل وقتك على النت فى الدعوة الى الله
اشترى شوية مطويات ووزعهم على أصدقائك
اطبع الموضوع ده وصور منه 100 نسخة ووزعهم على أصدقائك ..صدقنى انت الكسبان


أخيرا


كل يوم بالليل اجلس مع نفسك جلسة حساب ومعاتبة وحاسب نفسك على كل لحظة ضيعتها وقيم نفسك
واكتب قائمة بأعمال الغد


المووضوع محتاج جدية كبيرة وصدق مع الله وصدق مع النفس


فاستعن بالله ولا تعجز

وعلى قدر الثواب يكون النصب والتعب
[i][b]